Bangod sa babaye, Australiano patay matapos ginbuno sang iya trabahante

Himamaylan City, Negros Occidental – Patay na sang mag-abot sa Himamaylan District Hospital ang Australian citizen nga biktima nga si Warren Hill, 74 anyos, tag-iya sang Woodhenge Fresh Eggs Corporation, sa Sitio Ilahod, Brgy. To-oy, Himamaylan City.


Sa imbestigasyon sang Himamaylan PNP, nakalab-ot sa ihibalo sg Australiano nga may plano ang trabahante nga amu man ang suspek, Robert Flores, 20 anyos, nga magahulid tulog sa timbang sang biktima nga si ‘Evelyn’.


Rason nga ini ang ginkonpronta sang amo nga Australiano, apang, sa ila paglinalisay, gilayon nga nag-gabot sg double blade ang suspek kag ginbuno sang mapila ka beses ang biktima nga gintunaan sang iya kamatayon.


Wala pa makontento, ginlagas pa sang amo nga suspek ang naka witness sa amo nga kremin apang ini ang nakapalagyo sa sulod sg katubhan.


Padayon pa sa karon ang pagpangita sg mga otoridad sa naka palagyo nga suspek. /dyHB-Bacolod



Facebook Comments