BANGOD SA ITLOG | Isa ka police officer, ginareklamo sang pagpalupok sang armasluthang!

Roxas City, Capiz- Ginareklamo subong ang isa ka police officer bangod sa pag-eskandalo kag pagpalupok sang armasluthang.

Ginkilala ang ginareklamo kay police officer Marvin Alimunsorin nga anay assigned sa Roxas City Bantay Dagat kag subong yara na-deploy sa Dao, Capiz.

Base sa panaysayon ni Maria Teresa Clores y Dieta, 44-anyos sang Urban Tulay Brgy. Banica, sang nakaligad nga Hunyo 19, 2018 mga takna alas 9 sang gab-e nag-abot ang nasambitan nga persona kag gulpi na lamang nga nagsinggitan sa atubang sang ila panimalay.


Sa mabaskog nga boses,singgit sini, “Sin-o nagkuha sang itlog!”.

Wala pa ini makontento kun sa diin gingabot ang ginasukbit nga armasluthang sang maka-tatlo ka beses nga nagtuga naman sang kahadlok sa mga tagreklamo kag sa mga kahilapit.

Padayon pa nga ginahibalo ang dugang nga impormasyon, samtang ginatinguhaan nga mapakig-angotan ang nasambitan nga police officer agod makuhaan sang iya bahin.
*tags:Visayas,Roxas,DYVR,DYVR657,Capiz,Roxas City PNP,bangod sa itlog,nagpalupok nga pulis*

Facebook Comments