KABANKALAN CITY, NEGROS OCCIDENTAL – Gintiro sang isa ka babayi ang iya live-in partner nga lalaki kagab-i sa ciudad sang Kabankalan bangud gid lamang sa issue sang kwarta.
Nakilala ang biktima nga si Rodelio Medes, 51 anyos ang edad, pumuluyo sang Brgy. Tan-awan, Kabankalan City.
Suno sa biktima nga pasado las 7 kagab-i sa ila man lamang balay, ini sila ang naglalisay sang iya wala ginhingadlan nga live-in partner bangud sa issue sang kwarta.
Pahayag pa sang biktima nga wala gid siya naglaum nga magakuha sang .38 kalibre nga armas ang babayi kag ini siya ang gintiro.
Naigo sa iya tiyan si Rodelio kag naglapos sa iya likod gani dali-dali ini ang gindala sa Corazon Locsin Montelibano Memorial Regional Hospital./dyHB BACOLOD
Facebook Comments
