BANGON MARAWI: Groundbreaking gi-oktaba

Gi-anunsyo karon ni Task Force Bangon Marawi chairperson Sec. Eduardo del Rosario nga dili mahinayon ang groundbreaking nga unang gikatakda karon untang bulana.

Sa usaka presser, gisugilon ni Del Rosario nga kini gumikan sa kapakyas sa consortium nga unang gitahasang mopahigayon sa Marawi reconstruction ug rebuilding nga tapuson ang trabaho on time sa pagpabarug pagbalik sa war-torn southern city.

Matud ni Del Rosario, ang Screening Committee nag-abiso ngadto kaniya nga at the most, ang pormal nga pag-inagurar sa rebuilding efforts mahitabo sa unang quarter sa tuig 2020.


Nagpabilin hinoon gihapon nga opsyon ang uban pang mga modalities sama sa Build-Operate-Transfer (BOT) Scheme apan kini hugot nga gibabagan mismo sa mga lungsuranon kinsa dili buot nga masakripisyo ang kalidad ug ka-pulido sa trabaho gumikan lamang sa tumong nga i-fast track kun paspasan ang rehabilitasyon sa lugar nga gilubok ug maayo sa gubat gumikan sa pag-infiltrate kun pagpang-atake sa Maute-ISIS terror group.

Ubos sa presenteng sistema, ang Marawi rehab works ipailawom sa gitawag nga ‘Swiss Challenge’ diin kadtong unang ma-identipika nga kontratista pwedeng alkontrahon sa ubang mga kumpaniya kinsa makahimo sa susamang proyekto apan sa mas maayong mga terms and conditions.

RadyoMaN June Duterte

Facebook Comments