Madalag, Aklan – Nakaangkon it tama it pag-eabo sa waeang hita ag abaga rong sangka eaeaki matapos nga linabo ko anang igmanghod ag tatay kahapon it agahon sa Brgy. Panipiason, Madalag, Aklan.
Ro biktima nakilaea kay Danilo Gregorio, 40-anyos samtang rong mga suspek hay anang manghod nga si Jurie Gregorio ag anang tatay tanan residente man it nasambit nga lugar.
Suno sa panaysayon it biktima sa RMN Kalibo nga kahapon it agahon hay maligos imaw para kunta magsimba pero napan uhan na nga may nag sa-sa ko anang tanum nga ambueong.
Naghapit imaw sa baeay ko anang tatay ag nagpangutan kung sino ro nag sa-sa it anang ambueong, nagsabat si tatay na nga kutan a mana si Jurie ay naga pawod man imaw.
Dayon nga nagwinakae si tatay na nga hasta umapin man ro anang manghod ag natabo rong pagpang eabo kana. Nasayuran naman dayon ko ulihi na si tatay na ag ro anang manghod ro nagpang sa-sa it anang ambueong.
Sa makaron hay padayon nga ginabueong sa Aklan Provincial Hospital rong biktima samtang uwa man imaw it plano nga magpasaka it kaso kuntra sa anang manghod ag tatay.
