Roxas City, Capiz- Lunsay mga pilason ang mag-amay matapos maglab-anay ang mga ini pasado alas 8 sang gab-i sa Barangay Bolo syudad sang Roxas.
Pilas sa ulo, kamot kag kilid ang naangkon sang 52-anyos nga amay nga nakilala kay Jolito Romero samtang nag-ang kon man sang pilas sa nawala nga porsyon sang iya kamot ang anak sini nga nakilala kay Joel Romero, 25- anyos ang pang-edaron.
Nagaguha sa inisyal nga imbestigasyon sang mga kapulisan nga nagluntad ang pagsabtanay sa tunga sang duha sang nagpauli ang anak nga ginsundan sang paglabo sang amay nga Jolito sa anak sini nga si Joel.
Ginatudlo nga ginhalinan sang problema amo ang parte sa away sa duha ka sako nga humay.
Nahibaluan nga lunsay yara sa impluwensy sang makahulobog nga ilimnon ang nasambitan nga mga persona.
