Pilason ang isa ka lalaki matapos ginbuno sa banwa sang New Lucena, Iloilo sini lamang nga gab-i (Hunyo 25).
Ginkilala ang biktima nga si Joel Lorca, 40 anyos sang Barangay Puyas, Cabatuan, Iloilo samtang ang suspek ginkilala naman nga si Marcelo Quilarto, 41, anyos sang Barangay Bolalacao, New Lucena, Iloilo.
Sa imbestigasyon sang New Lucena PNP, nagapakita nga alas 7 subong nga gab-i sa nasambit nga lugar, ginbuno sang suspek ang biktima gamit ang stainless nga kutsilyo bangud sa daan nga hiligut-anon.
Gilayon naman nga gindala sa New Lucena Polytechnic Hospital si Lorca para sa nagakaigo nga pagbulong samtang nadakpan man ang suspek kag priso na sa New Lucena Police Station.
Facebook Comments
