Bangud sa depresyon kag problema sa pamilya, isa ka ginang nagtuyo sa pagpanginmatay sa isa ka barangay sa banwa sang Maayon gamit ang sanggot!

Maayon, Capiz – Yara na sa maayo nga kondisyon ang isa ka ginang matapos nga nagtuyo ini nga magpanginmatay paagi sa paggutrab sang iya mismo liog gamit ang sanggot sa isa ka barangay sa banwa sang Maayon.
Ang biktima ang nagapang-edaron sang 69- anyos kag isa ka balo.
Suno sa panaysayon sang anak sini nga babaye, mga alas 7 sang aga nagkadto sa banyo ang biktima nga may dala nga sanggot.
Ginkakibot na gid lamang sang mga ini sang na-diskubrehan nga duguon ang ila iloy kabangdanan ini ang insigida nga gindangat sa Bailan District Hospital sa banwa sang Pontevedra.
Ginapatihan nga ang depresyon kag problema sa pamilya ang rason sang tuyo sa pagpanginmatay sang biktima.

Facebook Comments