Bangud sa diskusyon gumankon, linabo it tiyo

9

Madalag, Aklan — Nakaangkon it mga tama it pag-eabo rong gumankon matapos nga eab-on ko ana mismong tiyo sa Brgy. Poblacion, Madalag, Aklan kabii.

Ro biktima nakilaea kay Stanley Apolinario, 28-anyos ag may tama sa waea nga likod, dueonggan ag butkon.

Samtang rong suspek nakilaea kay Fernando Ilino, 25-anyos tanan residente man it nasambit nga lugar.

Suno sa report nga kabii hay nag-inuman rong daywa ag ko ulihi nagkainitan sa diskusyon ag linabo ko suspek ro biktima.

Matapos rong biktima hay mabuhay pa matabangi dahil uwa imaw it kaibahan sa baeay ag maeayo pa ro anang mga kaeapit ngani nagkinamang ra imaw hasta makapangayo it bulig pero rong suspek hay naadmit man sa Madalag District Hospital dahil sa naangkon nga lastro sa uyahon.

Sa makaron ro biktima hay padayon nga ginabueong sa Aklan Provincial Hospital ag naka taeana nga igapaidaeom sa operasyon.

Facebook Comments