Altavas, Aklan — Siyam ka mga estudyante it Altavas National School sa Poblacion Altavas rong ginasugid nga ginsapian it bad spirit kainang hapon matapos nga maghampang it Charlie Charlie Challenge Mobile Application.
Ro nasambit nga mga estudyante hay haeos tanan mga Grade 7, nga 8 rong babaye ag 1 do eaeaki.
Kainang mga alas 3:00 it hapon tag maghampang ag gin umpisahan nga ginsapian ra sanda matapos nga sambilog sa mga estudyante ro nag download it application ag naghampang sanda ag ginasugid nakasueod sa challenge ag ginsabat ro andang challenge.
Dikara eon dayon nag umpisa ro pag iba ko pagginawi ag awra ko mga estudyante nga sa sueod it sang oras hay indi gid maistorya it maskin sin-o, indi mabuytan ag indi mapaeapitan bangud makusog ag nagapaeamakod.
Insigida nga ginpatawag ag nag aeabutan rong mga ginikanan it nasambit nga mga estudyante ag gin pang istorya, ag matsa uwa lang man it natabo kanda. Ginbuligan man sanda it daywa ka mga pastor.
Ro nasambit nga challenge hay kapareho man anay ko una nga nag viral nga “Momo Challenge”.
Hin aga bantayan sa Unang Radyo, Unang Balita alas 4:00 it agahon hasta alas 6:00 it agahon ro Eksklusibong pakikipag angot it RMN DYKR News Team sa mga teachers, gwardya ag sa iba pang nakasaksi.
