Kalibo, Aklan — Nag pangayo it pasensya do mag live-in partner nga sanday
Genly Gomez ag Rosabel Tabing it banwang Numancia bangod sa andang gin post
sa Facebook nga video it pagdakop kanda ni KAP Member Erlyn Tefora nga naka
duty sa Dr. Gonzales St. Kalibo ko Byernes nga adlaw.
Suno sa daywa nga nadaea eang sanda sa emosyon rason nga nahaubra ro pag
post nga naka angkon it sari-saring negatibong komento kontra kay KAP
Member Tefora ag sa LGU Kalibo eabi eun kay Mayor Lachica.
Gin saysay man ni Mr. Efren Trinidad nga saea ro pamaagi nga gin himo it
daywa ag pwede sanda makasohan kamana man do mga nag comment it maeain
kuntra sa LGU.
Dugang pa ni Kap Marte nga masakit para kanda nga hambaean it “bobo” bangod
nga may iniskuylahan man sanda ag bukon sanda it kombinsido sa pagpangayo
it pasensya ni Rosabel Tabing bangod ga hibayag pa daya samtang ga pangayo
it pasensya.
Gin kasugtanan man nga magapost it uman sa facebook rong daywa nga
nagapangayo it pasensya sa LGU Kalibo ag sa mga KAP Members nga hantop sa
andang tagipusuon.
Kun matandaan nga daya eun rong pangaywang beses nga may nag public
apology bangod nga nagtuga it kahuy-anan do andang post sa social media.
