Bangud sa naanud nga tsinelas, napatay ang siyam ka tuig nga bata matapos malumos sa sapa sa Barangay Tabiak, sa banwa sang Igbaras, Iloilo.
Ginkilala ang biktima nga si Kenneth Estilloro, 9 ka tuig ang edad, Grade 5 pupil sang Tabiak Elementary School kag pumuluyo sang Barangay Mantangon, Igbaras.
Ginpahayag ni Police Inspector Oman Estabillo, hepe sang Igbaras PNP nga natabu ang insidente mga alas 12 pasado kahapon sang udto samtang mabaskog ang bubo sang ulan.
Suno kay Estabillo nga papuli ang biktima sang maanud sang tubig sa sapa ang tsinelas sini kon sa diin gintinguhaan sang bata nga malagas kag makuha ang iya tsinelas apang disgrasya nga gin-anud man ini sang daludo sang tubig.
Ulihi na sang makita ang lawas sang biktima kag dali-dali nga gindala sa Guimbal District Hospital apang gindeklarar nga dead on arrival.
