i Balita August 05, 2018 (Photo From Web. No Copyright Infringement Intended)
Naga pabilin nga kritikal sa ospital ang isa ka pinay matapos nagtuyo nga maghikog sang Agosto 1 sa Sheung Shui tungod sa loan.
Sa pahayag sang police spokesman, nagbitay sa sulod sang CR ang pinay apang naabutan sang 39 anyos nga employer kag ginbuligan papanaog sa pagkabitay kag gindala sa ospital.
Natabo ang insidente takna alas 8:11 sang Miyerkules sang aga sa The Green, isa ka luxury villa sa Fan Kam Road, Sheung Shui. Base sa nag circulate nga balita sa local media, madugay na nga ginatawag sang amo ang pinay apang wala gid ini nagasabat rason nga ginpangita niya ini.Naabutan niya ang pinay nga nagabitay sa sulod sang CR gamit ang pila ka “electric cables,”.
Dali-dali ini nga ginpapanaog sang amo kag gindala sa North District Hospital para Sa medical treatment. Wala sang suicide note nga nakita sa lugar.
“We’re still trying to find out the reason behind her attempt to kill herself,” pahayag sang police.
Pahanumdom sa publiko : For those who feel that all hope is lost and that life no longer has meaning, there are people in the The Samaritans (Hotline 2896-0000) and the Suicide Prevention Services (2382-0000) who are ready to listen and help during those moments of utmost difficulty.
