Bangud sang Pusoy Dos, isa ka lalaki sa banwa sang Mina ginlabo sa liog

Mina, Iloilo – Pilas sa liog ang naangkon ni Joseph Herangca, 30 anyos sang Buluangan, Guimbal matapos ginlabo sang binangon sa Brgy. Tularucan, Mina alas 11:30 kagab-i.

Ginkilala ang suspek nga si Ronnie Yula, 29 anyos sang Igne, Igbaras.

Suno kay PSI Ma. Theresa Elero, hepe sang Mina MPS, nag-inum-inom sanday Herangca kag Yula kag naghampang sang Pusoy Dos pagkatapos sang ila pagpangdugos sang paho.


Apang nagluntad ang pagsinuyaay tubtob ginhaboy ni Herangca sang sanggot si Yula.

Bangud na-igo, nagbalos man si Yula kag ginlabo sang binangon si Herangca kag na-igo sa liog.

Sa karon yara na sa maayo nga kahimtangan ang biktima samtang yara na sa kustodiya sang Mina MPS si Yula.

(photo from web)

Facebook Comments