Bankerohan residents ready sa kalamidad

42

Davao City – Sa paglampornas ni Basyang ug uban pang kalamidad, mahimutang na usab ang lokal nga panggamhanan sa pagpangandam sa pagtabang sa mga posibleng maapektohan sa pagtaas sa tubig-baha bisan pa man sa pagdahili sa yuta.

Sama na lamang sa pipila ka mga kabalayan nga gipangdemolish sa may Brgy. 40-D ug Brgy. 76-A nga nagapuyo ilawom sa tulay ug anaa sa daplin sa sapa aron malikay sa trahediya.

Apan ang area nga anaa sakop sa Brgy. 5-A partikular sa Prk. 17-B ug Prk. 17-A nga adunay gibana-banaan nga dul-an 3,000 ka mga panimalay ang anaa sa duol sa sapa ang nakamontar nga mao usab ang giplanohan sa gobyerno nga i-demolish aron malikay kini sama na lamang sa epekto nga posibleng trahedya dala sa bagyong Basyang.

Apan sa pagka karon wala pay bisan usa niini ang na-relocate nga mga panimalay sa nahisgutang barangay hinungdan nga maoy gi-monitor kanunay sa Barangay Disaster Risk Reduction Management Council (BDRRMC) sa Brgy. 5-A.

Apan matud pa sa usa sa mga rescuer, tungod kapila na sila maabti sa mga kalamidad sama sa pagtaas sa level sa tubig-baha, aduna na usab kunoy pagtaas usab sa lebel sa kahimatngon sa mga tawo nga ana sa lugar.

Apan wala magkumpiyansa ang mga taga disaster council sa pagpahimangno sa mga residente sa nahisgutan baranggay.

RadyoMaN Paul Canono

Facebook Comments