Barangay Banago, wala na pa-lechon para sa SAP distribution

20

Ginpanubuan na ang kontrobersyal nga proposed budget sang Brgy. Banago sa ciudad sang Bacolod para sa pagpanagtag sang ikaduha nga tranche sang Social Amelioration Program (SAP) matapos nabalahuba sa social media.
Nagligad nga inadlaw nabutang sa kontrobersiya ang Brgy. Banago matapos gin-upload sa social media ni Barangay Kagawad Arlo Acebedo ang ila proposed budget nga P232,000 para sa tatlo ka adlaw nga pagpanagtag sang second tranche sang SAP sa diin may pondo nga P10,000 para sa duha ka lechon, P11,400 para sa pasayan, P6,000 para sa bangrus, prutas nga P3,000 kag P7,5000 para sa tatlo ka sako nga bugas kag iban pa.

Kasunod sang kontrobersiya, nakumpirmar sang DYHB nga ginpanubuan na ang kabug-usan nga pondo sa P70,840 sa diin ginkuha na ang budget sa lechon, pasayan, bangrus, prutas kag bugas. Samtang ang 192 ka persona nga ginlakipan sang cashiers, police, military, DSSD/DSWD, BHW, Daycare, Tanod kag barangay officials nga magabulig sa distribution, ang ginpanubuan naman sa 54.


Ginkumpirmar man sa DYHB ni Kagawad Acebedo, nga sa una nga tranche sang distribution, nagdangat naman sa P150,000 ang gingasto sang barangay. Sa nahibaluan nga sa karun ginahulat pa ang petsa sang tagtaganay sang ikaduha nga tranche sang SAP.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments