TACLOBAN CITY – Ginpusil-patay an usa nga barangay kagawad ha Brgy. Bangkerohan, Catarman, Northern Samar kakulop, June 21.
Subay ha report han Police Regional Office 8, ginkilala an biktima nga hi Alan Dorico Barselon, 43 anyos, may asawa ngan residente ha Brgy. Makinley, Catarman, Northern Samar.
Nagawas ha inisyal nga imbistigasyon han mga otoridad nga sakay han motorsiklo an biktima upod hi Salve Barcelon, 40 anyos han tigda la nga nagpakita an suspect/s ngan ginpamumusil an mga biktima.
Naigo ha ulo an barangay kagawad samtang naigo naman ha lawas hi Salve nga yana nagpapatambal ha northern samar provincial hospital.
Nagpapadayon naman an imbistigasyon han mga otoridad.
Facebook Comments
