Polomolok, South Cotabato–Dead on the spot si Barangay Koronadal Proper Kagawad Aliman Buyong Macabangin, legal age, residente sa maong barangay, samtang anaa usab sa kritikal nga kondisyon ang barangay tanod nga si Romeo Gasparin, legal age, residente sa susamang barangay, human gipusil sa duha ka wala mailhing suspect nga nakasakay ug motorsiklo alas 12:00 ang takna sa udto sa Purok 9, barangay Koronadal Proper, Polomolok.
Sumala pa ni Police Captain Rommel Hitalia, ang Deputy Chief Of Police sa Polomolok Municipal Police Station nga nagpahigayon ug checkpoint ang mga nahisgutan kabahin na sa pagpatuman ug community quarantine sa dihang kalit lang gihunungan ug mga lalaki nga nakamotorsiklo ug gipusil ang mga biktima dayon paspas nga misibat sa wala pa matinong direksiyon.
Personal grudge ang ginatan-aw nga motibo sa kapulisan kabahin sa maong pagpamusil.
Nasayran nga una nang gi-strafing sa wala mailhing mga suspect ang panimalay ni Macabangin, kapin bulan na ang nakalabay.
Gikumperma usab sa Polomolok MPS nga aduna na silay person of interest bahin sa maong krimen.
