Barangay kapitan gibanhigan, menor de edad samaran

Sominot, Zamboanga del Sur – Samaran ang usa ka menor de edad human gibanhigan sa armadong kalalakin-an ang convoy sa kapitan sa Brgy. Rizal, Sominot Zamboanga del Sur alas 2:30 kaganihang kadlawon.
Sa interview sa RMN Pagadian kang PSI Juvie Aballe ang hepe sa Sominot Police Station,gibutyag niini nga sakay sa iyang motorsiklo ang kapitan sa Brgy. Rizal, nga si Pedro Macion samtang nagsunod ang iyang mga pag-umangkon nga sakay sa laing motorsiklo pauli paingon sa ilang pinuy-anan human nitambong sa usa ka programa sa lungsod kalit nga gipaulanan og bala gamit ang M16 rifle base sa mga basiyo sa bala.
Giobserbahan usab sa mga doctor ang 11 anyos nga si Eric Albaira nga nakabaton sa duha sa igo pinusilan samtang swerteng wala maigo ang target nga punong barangay.
Blangko pa ang mga pulis sa identity sa mga suspek.

Facebook Comments