Barangay kapitan, patay sa vehicular accident

52

Patay ang kapitan sa Barangay Laturan, Liboran, Bukidnon human mabanggaan ang gisakyang motorsiklo sa usa usab ka motorsiklo sa Purok 2, Libona, Bukidnon kagahapon sa buntag.

 

Matud ni Police Master Sergeant Dawn Cabaneros- ang imbestigador sa Libona, Municipal Police Station, naila ang biktima nga si Kapitan Abundio Ravidas Tubay, 67 anyos, minyo, taga Purok 2, Laturan, Bukidnon.


 

Nasayran nga samtang sakay sa motorsiklo si Kapitan Tubay gikan sa munisipyo sa Libona, aksidente kini nga nabanggaan sa usa usab ka motorsiklo nga gimaneho sa usa ka Jason Dagatan Gamlot, 28 anyos, taga Purok 5, Poblacion sa maong lugar.

 

Daling gidala sa Polymedic Camp Philips Hospital sa Bukidnon si Tubay apan human ang duha ka oras, gideklara kining patay sa doktor.

 

Naangkon ni Kapitan Tubay ang samad sa nagkadaiyang bahin sa iyang lawas, samad sa ulo ug nabali ang gusok hinungdan sa iyang kamatayon.

Facebook Comments

From Advertisers