Barangay Kapitan sa Kawas, Alabel, patay human gipusil

68

Alabel, Sarangani Province—Patay ang Barangay Kapitan sa Barangay Kawas, Alabel, Sarangani Province human kining gipusil sa wala pa mailhing suspetsado alas 8:00 pasado ang takna kagabie sa may Purok 7, Barangay Kawas.

Biktima giilang si Diony Seromines, legal age, residente sa maong lugar.


Nasayran nga gipusil ang biktima samtang padulong na kini sa balay sa iyang ginikanan. Nadala pa kini sa balay tambalanan apan nakabsan gihapon ug kinabuhi gumikan sa iyang samad nga naangkon.

Sa inisyal nga report sa Alabel PNP nasayran nga ayha gipusil ang kapitan, adunay gihimong buy-bust operation didto sa ilang barangay nga gilusad sa tropa sa Regional Drug Enforcement Unit (RDEU) ug isip kapitan si Seromines maoy nagwitness sa operasyon.

Target sa buy-bust operation mao si Salvador Olog usa ka barangay tanod sa maong Barangay. Patay si Olog human kining misukol sa kapulisan.

Narekober sa iyang posisyon ang 8 ka sachet sa gituohang shabu ug ang .38 revolver.

Sa karon ginasuta pa sa kapulisan ang motibo sa krimen ug ginasuta pa kung may kalabutan sa pagwitness sa biktima sa gihimong buy-bust operation ang pagpatay kaniya.




Facebook Comments