Barangay kapitan ug laing duha niining kauban patay sa raid sa kapulisan

117

Dimataling, Zamboanga del Sur – Gikondena sa mayor sa lungsod sa dimataling ning probinsya sa Zamboanga del Sur ang madugoon nga raid sa kapulisan kaganihang kadlawon sa Brgy. Baluno sakop sa maong lungsod nga gikamatay sa Barangay kapitan ug duha niini ka kauban.
Nasubo si Mayor Maria Dolores Baya sa kalit nga kamatayon ni Baluno Barangay Captain Napoleon Casocot dihang gisilbihan sa search warrant ug misukol matud pa sa tropa sa Regional Intelligence Division 9 Task Force Tugis, Zamboanga del Sur Police Intelligence Battalion , 902nd Maneuvering Company- Regional Mobile Force Battalion,Zambo-Sur Police Mobile Force Company, Regional Detective Enforcement Unit ug pwersa sa Dimataling PNP.
Mahinumduman nakalas usab sa maong operasyon ang Tanod sa Barangay nga si Elmer Tambus, nga nisukol sa raiding team ug Jeffrey Tulba nga kanhing piniriso sa Zamboanga del Sur Provincial Jail nga taga Picanan, Kumalarang ning Probinsya.
Armado ang otoridad sa Search Warrant batok sa mga target nga pirmado ni Judge Arnold Diabo sa Municipal Circuit Trial Court , Margosatubig, Zamboanga del Sur apan nakaikyas ang laing target nga sila si Rene Mangharal II,Romil Mangharal ug Renolf Lim.
Gipamugos usab sa kapulisan nga legitimate ang ilang gikasa nga pag-emplentar sa Search Warrant samtang niining panahona ng patay nga lawas sa mga napatay sa raid anaa na karon sa ilang tagsa-tagsa ka pamilya.

Facebook Comments

From Advertisers