Barangay Magsaysay Polomolok nakatala og usa ka positibo sa covid-19

18

General Santos City–Gikumpirma karon ni Barangay Magsaysay Polomolok Kapitan Dodong Pasilan nga duna nay usa nga nagpositibo sa covid 19 sa ilang barangay.
Sumala sa kapitan nga ang maong pasyente usa ka senior citizen nga nagtrabaho og nagpuyo na sa Gensan apan miadto sa iyang mga paryente sa Polomolok.
Matud sa Kapitan nga naka-graduate na sa 14 ka adlaw nga quarantine ang nahisgutan dayon miadto og Gensan aron mutrabaho.
Apan miuli kini og Polomolok sakay og van kung asa nakuyapan pa kini sa terminal.
Dugang pamahayag ni Kapitan Pasilan nga gilayong gipailawom sa SWAB test sa ilang barangay center ang pasyente kung asa nakitaan kini og sintomas sa covid 19.
Human niini gidala gilayon kini sa Gensan tungod dinhi na matud pa kini nagpuyo og nagatrabaho isip gwardya.
Wala damha sa Kapitan nga mibalik na usab kini sa Polomolok kung asa nakurat na lamang sila human migawas ang resulta nga positibo kini sa covid.
Hinuon gibutyag ni Kapitan Pasilan nga wala kini makalaag sa ubang mga panimalay sa Polomolok gawas lang sa giadtoan niining mananambal sa nasampit nga barangay.
Isip lakang sa Barangay nagpahigayon na ug contact tracing si Kapitan Dodong Pasilan og mga health officials.
Mukabat sa 40 ka mga tawo ang naapil sa contact tracing og kasamtangan nang gipailawom sa quarantine.(JB)

Facebook Comments