Barangay nga wala nagapanakop og COVID violators gibadlong

61

Davao City – Buot karon nga masayran ni Davao City Mayor Sara kung nganong walay natalang violators sa face mask ordinance partikular na kadtong mga barangay nga nagbaton sa dakong populasyon diin kini imposible.

Kini human nga gi-report sa usa ka concern citizen nga aduna matud pay mga opisyales sa barangay nga wala nagapanakop tungod sa kahadlok nga dili iboto sa sunod nga piniliay diin kini gi-endorso na usab ang maong concern sa Public Safety and Security Command Center (PSSCC).


“Mali nga i-base nimo imong actions depending on your chances sa election. Kung mag sige ka’g tan-aw sa election, dili nimo mabuhat imong trabaho because there will be always difficult things to do sa imuha as a public official. That is incorrect sa mga barangay personnel/officials nato,” segun sa Alkalde.

Gipahinumdom sa Alklade nga adunay incentive nga madawat ang barangay gikan sa makolektang kwarta/fines tungod sa violators sa maong ordinansa diin 40% ang maadto sa city government collection samtang 60% ang sa barangay.

Gipasabot sa Mayor nga ang barangay gihapon ang labing maapektuhan kung mutaas ang Coronavirus Disease 2019 (COVID-19) cases kung pakyas niining ipatuman ang mga ordinansa o ang minimum health standards batok COVID-19.

RadyoMaN Kirby Manzon




Facebook Comments