Barangay Robles benepisaryo sang libre nga serbisyo medikal kag feeding

LA CASTELLANA, NEGROS OCCIDENTAL – Madinalag-on nga ginpatigayon kahapon ang isa ka Medical Mission kag Feeding Program nga gin-organize sang People Engaged in People Project, Inc. PEPPI, isa ka grupo sang kababa-ihan sa nagkalain lain nga bahin sang pungsod kaupod ang RMN Foundation,DYHB-RMN Bacolod kag iFM sa Balay Daku, Taborda, Brgy. Robles, La Castellana.

Naglab-ot sa 100 ka mga pasyente ang naka benepisyo sa libre nga medical check-up kag libre nga pamahaw.

Ang ini nga outreach activity ang kabahin sang pagdul-ong sang serbisyo publiko sa padayon na suporta sang pumuluyo.


Nagpahayag man sang kalipay ang mga pumuluyo nga naka agum sang kaangay nga serbisyo.

Ang feeding program ang ginpangunahan sang Station Manager sang DYHB nga si Jeony A. Bigay kag sang Station Manager sang iFM Serafin Plotria./dyHB BACOLOD

Facebook Comments