BARANGAY/SK ELECTION|Comelec, giangkong dugay ng problema ang mga mangawalang pangalan

27

General Santos City–Giangkon ni Atty. April Miguel, Election Officer sa Comelec Gensan nga sama sa na-andan, nangawala nga mga pangalan ug dili makit-an nga presinto ang nag-unang problema sa bag-uhay lang nahuman nga piniliay.

Pagpaklaro niya nga ayha pa man ang piniliay, nagbutang na sila ug master list sa tanang mga tunghaan nga gamiton sa eleksyon sa mga pangalan sa mga makaboto.

Pamahayag niya nga sa karon nga eleksyon, bulan pa sa Marso dihang sila nagbutang ug master list sa tanang mga tunghaan sa dakbayan.

Samtang gipasabot ni Atty. Miguel nganong adunay mga botante ang wala gitugutang makaboto kung asa gibutyag niya nga ang mga naka-highlight ang adunay doble nga rehistro o naka-transfer sa laing lugar.

Mamahimo lang matud pa nga sila maka-boto sa sunod nga eleksyon higayon nga ilahang ipa-de-activate ang usa nila ka rehistro. Pagpaklaro niya nga wala nila gina-konsidra nga flying voters ang mga nahisgutan apan aduna matud pay posibilidad nga nasayop lang ug rehistro ang mga nahisgutan.(Lore Romualdo)

Facebook Comments