BARANGAY/SK ELECTION|Hapsay ug Malinawong Piniliay sa Barangay ug SK, gipasalamatan ni Mayor Rivera

12

General Santos City–Dako ang pagpasalamat ni Gensan City Mayor Ronnel Rivera human nga nahimong hapsay ug malinawon ang bag-uhay lang nahuman nga barangay ug SK election.

Kung may mga problema man nga natigayon, kini ginagmay lang ug dili man usa ka seryosong isyu.

Gidayeg usab ni Mayor Rivera ang tanang mga nag served sa piniliay, nga gipangunahan sa Comelec, mga magtutudlo, mga pulis ug mga sundalo. Dugang pagbutyag ni Mayor Ronnel Rivera nga karon nga human na ang piniliay, panahon na nga mag move on ang tanan.

Ang dapat karon nga tutukan sa mga bag-ong midaug nga opisyal sa barangay mao ang pagserbisyo ngadto sa katawhan sa ilang barangay. Abli matud pa kanunay ang pultahan sa iyang buhatan alang ngadto sa mga opisyal sa barangay nga mangayog ayuda alang sa mga proyektong ilang ipatuman sa ilang lugar.

Awhag lang niini ngadto sa mga nahisgutan nga tugbangan ug maayong pagpanirbisyo ang pagpili sa katawhan ngadto kanila.

Facebook Comments