BARANGAY/SK ELECTION|SOCE sa mga mikandidato sa eleksyon obligadong ipasumite sa Comelec

31

General Santos City—Gipaklaro karon ni Atty. April Mechor Miguel- Comelec election officer sa Gensan nga nahuman na ug canvass ang mga boto sa eleksyon sa barangay sa tibuok Gensan.

Sa interview sa RMN Gensan kang Atty. Miguel gikanayon niini nga nahuman na usab ug proklama ang tananag mga kandidato nga nahimong mananaog sa nakalabayng SK ug Barangay elections.

Giangkon hinuon ni Atty. Miguel nga dunay mga barangay nga nadugayan ang canvassing ug ang proklamasyon sama na lamang sa Brgy. Labangal ug Calumpang gumikan sa kadako sa ilang barangay.

Gibutyag usab karon ni Atty. April Miguel nga bisan pa man nga nahuman na ang eleksyon sa Barangay ug SK wala matud pa nagpasabot nga wala nay trabahuon pa ang Comelec Gensan.

Gitin-aw niini nga sa pagkakaron ila na usab bantayan ang pag-file sa mga kandidato sa ilang SOCE (statements of contributions and expenditures).

Dugang pagpaklaro ni Atty. April Miguel nga pildido man o nadaog ang mga kandidato obligado gihapon silang magsumite sa ilang SOCE aron sutaon sa Comelec kung pila ang ilang nagasto sa eleksyon.(Jordan Britos)

Facebook Comments