Barangay Tanod, ginpamumusil

39

SAN ISIDRO, Leyte – Ginpamumusil an usa barangay tanod ha Brgy. Basud San Isidro, Leyte antis pa an adlaw han eleksyon.

Ginkilala an biktima nga hi Saturnino Flores, 60 anyos, may asawa ngan residente ha nasabi nga barangay.

Ha inisyal nga imbistigasyon han mga kapulisan, natukdaw daw la an biktima ha gawas han bakeshop nga gintatag-iyahan ni Isabelita Tahanlangit han may umagi nga single nga motor sakay an duha nga lalaki ngan tigda nala nga ginpusil an biktima ha pira nga parte han iya lawas.

Gindara an biktima ha pinaka hirani nga hospital para mabulong.

Padayon nga nag-iimbistiga iton mga kapulisan agud magkadadakop an mga suspek nga nagpapaluyo hini nga krimen.

Facebook Comments