Barangay tanod sa dumagoc, giluba

13

Pagadian City – Gapa-alim karon balay tambalanan ang 39 anyos Barangay Tanod human kining giluba alas 5:30 kagahapon dihang dapita sa Purok Silao, Brgy. Dumagoc ning syudad sa Pagadian.
Giila ang biktima nga si Mario Tumabang Ondo, ulitawo, og residente sa nahisgutan nga lugar.
Sa inisyal nga imbestigasyon nasayran nga samtang nagpakaon sa iyang binuhi nga manok ang biktima kalit lang niabot ang suspek nga si Edison Gubot Espera og walay langan nga nisuntok sa biktima.
Nisulay paglikay ang Barangay tranod apan pas-pas nga nihulbot sa iyang star screw ang suspek og giluba ang biktima igo sa iyang tiyan.
Daling gidala sa ospital ang biktima aron katambalan og niikyas usab dayon ang suspek human sa maong krimen.
Personal nga bangi ang nakitang motibo sa kapulisan sa pagpangluba, gumikan kay niadtong petsa 3 ning bulana samtang nagtuman sa iyang trabaho ang biktima nga Barangay tanod iyang gibadlong ang suspek diin didto na nagsugod ang ilang bikil.

Facebook Comments