Good morning po sa mga NX listeners. We have a nice weather today, although malipot pa ang doros, mainit na man ang saldang. Sa kasibotan ta sa pagpuon ning another busy day, especially ta Monday morning, dai po lingawan na bago puonan ang mga kasibotan, mangadyi muna kuta, hagadon ang wisdom sa Diyos for us to be able to make the right decisions and actions sa bilog na maghapon.
Ngonian na aldaw pag-orolayan ta po ang manongod sa mga beerhouse. May FB message po sa NX, basahon ta:
“Pakipaabot man po tabi sa head kng city ordinance division asin sa nagtatao bussiness permit and ki mr. Rene Gumba na head kng pso na grabe na naman po ang perwisyong dara kaining mga inuman sa laog kng pelonio compd. Jan sa brgy. Dayangdang. Particular po ining burabod asin ang pagtugot kaining mga menor de edad nindang mga parokyano na nagpaparakurahaw dawa alas 3 na ning aga halos aroaldaw grabe pang perwisyo dara sa katungod nindang balyong salog pirang beses naman po kaming nagpadara ning mga surat sa city hall pero mau man lamang ning pangmatagalan na solusyon bako man po kami mga eskwater dgd nagbabayad man po kami ning tax pero garo dae man lamang nakakabalik ang serbisyo na dapat itinatao kang mga opisyal kang satong siyudad bakong permi sana palaog sa puro wheel clamp ang pigpapara atuman. Tnx po and more power. Marhay po ngani kung may madangog man kami legal advice ki sir angel ta garo may problema man ini sa zoning ordinance”
Importante po na pag-olayan ta ini, taano po?
Base sa mga pag-aadal, ang mga inuman, beerhouses, night clubs, saka mga kaparehong establisimiento, mga inaapod na night commercial activities, dakula ang epekto sa quality of life kan mga tao sa palibot kan mga ini. Ang mga aspeto kan comfort, convenience saka safety iyo ang apektado.
Para po maaraman ta kung pano mas maintindihan kung ano ang mga tamang measures o paagi sa pagregulate kan mga night houses na ini, kaipuhan ta muna maintindihan kung tano ang mga tao naeengganyo maglaog digdi. People go to nightclubs for a variety of reasons.
• Gusto maki hang out sa mga amigo/amiga • Makabisto ning bagong kabisto to hook up • Puedeng gusto man mag-enjoy ning music • Ang iba gusto magpaburat for various reasons • Gusto ning entertainment • Ang iba bisyo na ta alcoholic; • Ang iba parte kan saindang hanapbuhay whether legal o illegal.
Bako man po sa paghusga sa intentions kan mga nagdadyan sa inuman, pero ang saro pong malinaw sa halos gabos na pag-aadal, ang pag-inom ning arak, ang pagpuyat, sa mga lugar na ini bakong maray para sa salud, sa moralidad, sa safety, saka sa spirituality.
Kaya po baga dakul kitang mga leyes sa istriktong regulasyon kan mga night commercial establishments and activities.
Balikan ta po ang concern kang nagpadara kan message tungkol sa inuman sa Naga, may mga menor de edad, saka mariribok, nakakapurisaw sa neighborhood.
Dakul po kitang leyes tungkol dyan, anu-ano po ini?
1. Ang satong presenteng Constitution; 2. Ang Local Government Code; 3. Child and youth welfare code; 4. Anti-trafficking in persons act o RA 9208 na pig-amiendahan asin pinahiwas kan RA 10364; 5. Yaon man ang mga ordinansa kan LGUs, arog kan 89-095 kan Naga na nagreregulate sa mga night clubs saka bars sa ciudad, saka ang Ordinance No. 2016-039 na nagbabawal magpaburat, magparibok, mag gibo ning mga bakong disenteng bagay in public.
Sa satong constitution, sa Article II, Section SECTION 13, nagsasabi na ang Estado o gobyerno nagrerekonosir kan importanteng role kan youth sa pag-uswag/pagpakaray kan satong nasyon, kaya sinda dapat tawan ning protection asin mapromote ang physical, moral, spiritual, intellectual, saka social na karahayan. Sa SECTION 15, ang Estado dapat protehiran asin i-promote ang derecho sa salud kan mga tao saka pag instalar kan health consciousness, mas dapat paboran kan gobyerno ang mga bagay na makakatao ning maray na salud bako ang mga nakakaraot kaini.
Sa SECTION 25 kan Constitution, itinatao sa LGUs ang saindang otonomiya, kabali dyan ang otoridad sa pagregulate kan mga bagay na nakakadanyar sa salud kan tao. Sa ARTICLE XIII, on Social Justice and Human Rights, ang Congress pinagmamandohan na tawan ning pinakahalangkaw na prayoridad ang mga policy asin paagi para mapahiwas asin maprotehiran ang derecho kan mga tao sa saindang dignidad among others. To this end, ang Estado o gobyerno dapat i-regulate ang acquisition, pagsasadiri pag gamit saka pagdispose o pagpabakal kan property.
Ang Local Government Code, may sinasabi man po sa pagregulate kan mga establisimientong arog kan pigrereklamo.
Sa Section 16, ang LGU, sa pag exercise kan poder para mapromote ang inaapod na General Welfare, saro digdi ang pag promote kan health and safety, pag maintain ning peace and order, saka pagrpeserba kan comfort and convenience kan mga tao.
Ang mga barangay officials, municipal saka City officials igwang joint responsibility po sa bagay na yan.
Tokaron ta po direkta ang mga ordinansa kan ciudad.
Sabi sa Ordinance No. 89-095, sa section 4, mayong night club saka cabaret ang puede i-operate sa distance na Two Hundred lineal (200) meters hali sa arin man na pampublikong oficina, church, hospital, public or private school, o mga houses of charity.
Sa Section 5 kan Ordinance, required ang gabos na bars, night clubs, etc na magcomply sa specific building requirements arog kan:
1. Bastanteng sound proofing facility; 2. Dapat enclosed ang compound, may gate, saka dai maagi o ma exit sa arin man na residential house o building.
Sa section 6, bawal po magpalaog sa mga menor de edad, 18 years old and below.
Sa Ordinance No. 2016-039, pinagbabawal man ang pagpaparibok o pagdistorbo sa publiko o pagtaraid lalo kung nakainom. May penalty na multa, P3000, sa enot na offense saka kulong and multa pa sa second saka masunod na offenses. Ang barangay officials, mga tanod, ang PSO saka ang PNP puede po mag aksyon sa reklamo, gabos sinda igwang joint responsibility na mag aksyon tolos sa saindong reklamo, kung dai po ninda aksyunan, may liability man po sinda sa ley.
Sa City Health Office saka sa City Engineer puede man po magreklamo kung nagsusunod sa building requriemengs kan sound proofing. Puede man nindo ipaverify sa City Treasurer’s Office saka sa Mayor’s Office kung balido pa ang business permit. Puede man po nindo ireklamo sa DSWD kung igwang mga menor de edad sa inuman nay an. Puede ka man po magfile ning kaso sa husgado ta kung nuisance na po ang mga aktibidad sa inuman na yan dawa pa may permit.
Sana po maaksyunan na kan ciudad ang concern kan nagmessage sato. May obligasyon pa ang local government na tawan ning permanenteng solusyon ang problemang yan.
Ayan po, sana nakacontribwir kita sa kaaraman kan publiko sa bagay na yan, Magtext or call lang po sa mga numbers kan DWNX kung may mga hapot na legal.
Bago po ako magpaaram, sato pong sunudon ang mga tugon kan Diyos manongod sa pag-inom ning arak, lalo sa pagpapaburat ta ini naglalaag sato sa makasalang sitwasyon. Sabi sa bible sa –
Ephesians 5:18
And do not get drunk with wine, for that is dissipation, but be filled with the Spirit,
Proverbs 20:1
Wine is a mocker, strong drink a brawler, And whoever is intoxicated by it is not wise.
Kasalan po ang pagpapaburat, ta kairiba ini kan mga kasalan sa Diyos, sabi sa –
Galatians 5:21 Envy, drunkenness, orgies, and things like these. I warn you, as I warned you before, that those who do such things will not inherit the kingdom of God.
Saaga po giraray. Be safe, stay healthy and don’t forget to pray without ceasing.
Ini po si Atty Angel Ojastro III
Aramon an saindong derecho, INI AN LEY!!!
