BATA GINPATAY SANG ILOY | Pito ka bulan nga bata, gingulgul sa liog sang iloy kag gin-inum ang dugo

Dead on arrival sa hospital ang pito ka bulan nga bata matapos gingolgulan sa liog sang iya kaugalingon nga iloy.
Natabo ang insidente kaina sang hapon sa Brgy. California, Barotac Viejo, Iloilo.
Suno kay PCI Joven Arevalo, hepe sang Barotac Viejo MPS, pisaw ang gingamit sang 28 anyos nga suspek sa paggulgol sa iya anak sa liog kag gingunting ang puwak.
Dugang pa ni Arevalo nga wala pa makuntento ang iloy kag gin-inom pa ang dugo sang anak.
Base naman sa pagpangusisa sang kapulisan sa bana sang suspek, iya gintuad nga antes pa man natabo ang insidente, namutikan niya nga daw indi mahim-os ang iya asawa.
Kaina sang hapon, ginpahibalo siya sang iya apat ka tuig nga bata nga mahulam sang pisaw ang iya iloy.
Bangud ginkulbaan, gilayon nga nagpauli ang bana kag iya nakita ang pito ka bulan nga anak sa lababo nga duguon samtang duguon man ang iya asawa.
Yara na sa kustodiya sang Barotac Viejo PNP ang 28 anyos nga suspek.

Facebook Comments