BATA GINRAPE SA BAGO | Bago PNP may 3 ka mga suspek, bata ginliso pa ang ulo antis isulod sa sako

BAGO CITY – (3rd Update) Tatlo ka mga suspek, ang gin-dakup sang Bago City PNP nga amo ang gina-tudlo nga naglugos kag nagpatay sa isa lima ka tuig nga bata nga babayi sa Brgy. Malingin, syudad sang Bago.

Ginakabig sa karon nga persons of interest sanday si Job Villanueva 60 anyos, ang bata sini nga Glenn Villanueva, 40 anyos kag ila kaupod sa balay nga si Zaldy Caspe, 50 anyos, tanan residente sang amo man nga lugar.

Daku ang pagpati sang pamilya nga ang tatlo ang kahimu-an sa krimen partikular nga may record naman sang kaso nga rape si Job Villanueva.


Pasado las 12 kagapon sang udto, nasapwan ang bangkay sang bata nga ginsulod sa saku kag ginlubong pa sa basurahan mga 20 metros lang ang kalayuon sa ila balay.

Sa inisyal nga pagpangusisa sang Bago PNP, ang biktima ang gin-kuga sang suspek sa diin nag-liso gid ang li-og sang bata.

Gina-hulat man sa karon sang pamilya ang medical report kon gin-himuslan ang biktima antis ginpatay. / Photo: Balay sang 3 ka mga suspek/ Mel Benedicto

Facebook Comments