Bata nalumos sa swimming pool, patay

1657
Davao City – Nabalot karon sa kasubo ang imbes nga maglipay sa outing ang usa ka pamilya human usa ka batang lalake ang nalumos sa swimming pool sa San Josue Resort sa Barangay Aliongto ning siyodad.

Patay nang nakaabot sa Southern Philippines Medical Center ang biktima nga si Clark Kent Canda, 5 anyos, ug nagpuyo sa Barangay Communal, Distrito sa Buhangjn, dakbayan sa dabaw.

Sa pagpanubay sa DXDC News Team, nasayran nga sa imbestigasyon sa Sasa Police Station, usa ka guest nga si Antonino Parado Jr. ang nakasaghid sa bata nga naglutaw na sa pandagko nga swimming pool pasado 5:00 sa hapon.

Daling nangayo og tabang si Parado sa On-Duty Life Guard, gisuwayan pa og revive ang bata pinaagi sa pag-aplikar og CPR ayha gidala sa ospital sa PRO 11General Hospital Ambulance ang biktima apan sa dalan pa lang kabsan na sa kinabuhi ang bata.

Sutaon pa sa mga imbestigador ang CCTV Camera sa resort aron sayron nganong naadto sa pandagko nga swimming pool ang bata.

RadyoMaN Joel Viray



[image: width=] <www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments