Batan-on gidunggab sa mga kalalakin-an

10

Davao city – Wala makalikay ug makadepensa sa kaugalingon ang usa ka
batan-on ug nadunggaban gayod kini sa usa ka sakop sa rugby boys nga iyang
gisita.

Ang biktima mao si Julliben Santino, 18 anyos, ug nagpuyo sa Tandawan,
Barangay Magtuod ning dakbayan.

Padayon nagpaalim si Santino sa iyang samad dinunggaban sulod sa Southern
Philippines Medical Center human gidala sa iyang mga kabanay.

Suma sa mga nagdala kaniya sa ospital nga igo lang unta gisita sa biktima
ang mga sakop sa rugby boys apan usa kanila nga armado og mahait nga
hinagiban ang miduol kaniya ug dayon luba sa batan-on.

Ang mga suspek paspas nakasibat palayo sa naasoy nga lugar ug wala pa
mailhi hangtud karong panahona.

RadyoMaN Joel Viray

Facebook Comments