Batang masuso nga nasunog, gilubong na

Pagadian City – Gilubong na alas 3:00 kagahapon sa hapon ang usa ka batang lalaki nga naapil sa sunog didtong dapita sa Purok Tilid, Upper Sibatang, Pagadian City.
Mahinumduman nga sayong gibawi-an sa kinabuhi ang biktima nga si Baby Boy Reymark Gaco, samtang samaran usab ang amahan niini nga si Reymond Gaco.
Base sa report sa Pagadian City Central Fire Station, kalit nga gilamoy sa kalayo ang balay sa apahan sa biktima nga nailang si Flaviana Calimot gumikan matud pa sa wala maalingati nga lampara.
Gumikan kay gama sa light materials ang balay, daling mikatag ang kalayo hangtud nga wala na mapagawas ang bata nga niresulta dinalian niini nga kamatayon.
Sumala sa say-say ni Reymond ang amahan sa bata, gisulayan pa niya nga isalbar ang iyang anak apan wala niya kini makit-i gumikan sa kakusog sa kalayo ug subra kabaga sa aso.
Mokantidad sa P15,000 ang mga kabtangan nga naabo ug gilamaoy sa kalayo.

Facebook Comments