Davao City – Hugot nga seguridad ang gipatuman sa kapulisan aron bantayan ang Davao-Cotabato national highway sa pag-abot ni PNP Chief General Director Ronald “Bato” Dela Rosa sa Barangay Bato, Sta. Cruz, Davao del Sur kagahapon.
Wa gipahibawo ang pagbisita ni Dela Rosa sa kapistahan sa barangay Bato hinungdan nga nasurprisa ang mga molupyo sa lugar human nakita ang opisyal nga sama sa usa ka artistang gidugokan sa iyang mga silingan. Apan, wa magdugay si Bato sa selebrasyon sa kapistahan sanglit daghan pa kining giatiman nga trabaho.
Una milakaw, gimandoan ang tanang kapulisan sa probinsiya nga sulbaron ug tinud-on ang kampanya batok illegal gambling ug druga. Gipaalerto sab niya ang tanang istasyon batok sa hulga sa mga rebelding New People’s Army.
Kasamang Bernard Pantallon
