Battle of the Champion Singing Contest Kantahan sa Merkado, gipahigayon sa CEED

Malampuson nga gipahigayon bag-ohay lang sa City Economic Enterprises Department kon CEED ang BATTLE OF THE CHAMPION SINGING CONTEST KANTAHAN SA MERKADO.

Kini ang gibutyag ni Mary Sean Molig ang Manager sa CEED Carmen.

Matud ni Molig, ang maong aktibidad ang gisalmotan sa nagkalain-laing mga stallholders gikan sa merkado sa Puerto, Cogon, westbound ug Carmen.


Nasayran nga nahimong mananaog o champion si Ms. Demi Tumala sa rice section, samtang nakuha usab ni Mr. Manolito Macas sa mas section –ang second prize ug Ms. Beth Tamayo sa man section- kinsa pulos mga stallholders sa merkado sa Carmen.

Nasayran usab nga siyam ka contestant ang misalmot, ug unom niini ang nakakuha og consolacion prizes.

Ang maong aktibidad ang gipaluyohan sa CEED, CUVA officers ug stallholders.

 

Facebook Comments