Bayabas Barangay Kapitan Abrogar, miangkon nga nakabungat og pulong sa iyang secretary

11

Giangkon ni Barangay Bayabas Kapitan Eddie Abrogar nga nakabungat siya og pulong ngadto ni Edgar Deloso ang iyang Barangay Secretary.

 

Apan matud ni Kapitan Abrogar nga dili niya mahimo ang pagpusil apan kung sumbag mahimo kung iyang himoon.


 

Dugang pa ni Abrogar nga usahay iyang pamulongan ang iyang secretary tungod kay makadaghan na nga higayun nga  siya ang mag-una  sa barangay ug kini moabot na sa alas 10 sa buntag.

 

Giklaro usab ni Kapitan Abrogar nga dili pagpamikil ang iyang gihimo kondili pag-advice lamang aron mautro ang kinaiya ni Deloso.

 

Samtang aduna matud pay ginahimo nga mga seminar si Deloso diin kini mismo ang gapanganbas sa catering.

 

Matud ni Kapitan Abrogar nga dili kini mao ang iyang trabaho hinungdan nga iyang gipahimangnoan.

 

Dugang pa ni Kapitan Abrogar nga si Deloso usa  ka sekretarya ug aduna silay finance officer  nga mohimo sa nasangpit nga trabaho.

 

Nasayran nga gabuot buot lang si Deloso ug saad sa mga catering ug wala siya masayod niini.

Facebook Comments

From Advertisers