Baynte ka sugarol, gipangsikop

Dipolog City –Nasikop sa kapolisan ang baynte ka sugarol nunot sa subsob nga pagpanakop sa ilegal nga sugal sa nagkalain-laing barangay ning dakbayan sa niaging gabii.

Ang Dipolog City Police Station pinangulohan ni PSupt. Lito Andaya nironda sa Barangay Biasong, Barangay Estaka ug Barangay Turno kon diin adunay lamay ug nagpasiugda sa sugal nga bagrak.

Atol sa managlahing anti-illegal gambling operation dunay pito ka sugarol ang nadakpan nila sa may Brgy. Estaka, unom sa Brgy. Biasong ug pito sab sa Brgy. Turno.


Gisakmit sa mga police personnel gikan sa area ang lamisa, bangko, pitsas, dayis, baraha ug kwarta.

Ang maong pagpangronda, tubag sa kapolisan sa nadawat nilang mga reklamo gikan sa mga lumulupyo sa lugar nga punay sugal sa bagrak.

Hinuon ang mga baynte ka sugarol gawasnon na sa prisohan ning panahona. (r.m)

Facebook Comments