BCPO may bag-o na hepe matapos ginrelieve si Ebreo bangod sa involvement sa druga sa paglawag ni Pres. Duterte

780

BACOLOD CITY – May bag-o na nga hepe ang Bacolod City Police Office (BCPO) matapos nga gin-relieve sa pwesto si OIC City Director – Police Supt. Franciso Ebreo, Jr.

Si Ebreo ang isa sa lima ka mga pulis nga ginpangalanan ni President Duterte nga protector sang ilegal nga droga sa Bacolod.

Gin-designate sang Police Regional Office 6 si Senior Supt. Henry Biñas bilang bag-o nga officer-in-charge sang syudad sang Bacolod, sumugod kahapon nga adlaw.

Magareport ini sila las dos subong nga hapon sa Malacañang.

Si Biñas ang chief sang Regional Personnel kag Human Resource Development Division sa PRO-6 nga nakabase sa Camp Martin Delgado sa Iloilo.

Ang iban nga apat ka mga police amu sanday Supt. Allan Macapagal, Deputy City Director for Operation; Supt. Ritchie Yatar, chief sang City Mobile Force Company; Supt. Nassrudin Tayuan, former team leader sang City Drug Enforcement Unit kag Senior Insp. Victor Paulino, former chief of Police Station 3, re-assigned sa City Mobile Force Company.

Facebook Comments