BDRRMC Pangi: Baha gipangandaman

20

Davao City – Wala nagkumpiyansa si Brgy. Kagawad Percival Berongoy, Vice Chairman Committee on Barangay Disaster Risk Reduction Management Council (BDRRMC) sa Barangay Matina Pangi ning syudad sa posibleng masinatian nga dakong baha sa ilang lugar sama sa nahitabo niadtong tuig 2011.

Sumala ni Berongoy, bisan pa man og nag-upgrade na sila sa mga tag-as ug bag-ong tulay sa lugar, kanunay nilang gi-kondisyon ang ilang panghuna-huna sa nga makasinati ang ilang lugar og baha.


Tungod niini, walay pu-as ang ilang pagpahibalo sa matag lugar ug ang mga purok leaders maoy ilang numerong gitahasan sa pag-monitor ilabina sa dili maayong kahimtang sa panahon.

Gihangyo usab nila kang Davao City Mayor Inday Sara Duterte nga hatagan sila sa mga saktong kagamitan sama sa Ambulansya ug uban pang magamit panahon sa kalamidad ug emerhensiya.

RadyoMaN Paul Canono

Facebook Comments