Beleno: COVID assistance reviewhon

Davao City – Maglisud ang gobyerno pagbuntog sa COVID_19 tungod sa dakung gasto kung hatagan tanang lungsuranon sa ayuda ilabi na niadtong hangtud karon wala pa nakabarug og maayo gikan sa perdisyon.

Sumala ni Ateneo De Davao University (ADDU) Prof. Ramon Beleno III, ang labing maayong himoon mao ang pagpahigayon og mass testing aron pag-ila sa mga lugar nga taas ang insidente pasabot nga kadto lamang ang i-subject sa lockdown ug tunolan sa hinabang aron ang ubang dapit makapadayon sa operasyon sa ilang mga negosyo o industriya aron dili maapektohan ang kinatibuk-ang panginabuhian sa usaka partikular nga area.

Namatikdan ni Beleno nga sama sa cash assistance ilawom sa Social Amelioration Program (SAP), wala gayud hingpit naplastar ang paghatag sa hinabang tungod kay adunay mga nakadawat nga dili kwalipikado samtang ang uban kinsa angayang hatagan, wala gayud makadawat sa ilang gihandom nga ayuda sa taudtaud nang panahon sugod sa pandemic.


Kahinumdoman nga nahimong dakung isyu ang pagka-delatar sa releases sa assistance, duplication sa mga beneficiaries ug ang pagka-unsyame sa uban sa dihang gibandilyo nga kadtong nakalingkawas na sa hataas nga quarantine classification excluded or exempted na sa subsequent amelioration assistance.

RadyoMaN Bernard Pantallon

Facebook Comments