Bello: 13th month pay dili i-delay

Davao City – Gikinahanglan bayaran ug dili dapat idelatar ang paghatag sa 13th month pay sa mga kompanya ngadto sa mga mamumuo.

Kini ang pagpaklaro ni Deparment of Labor and Employment (DOLE) Sec. Silvestre “Bebot” Bello III atol sa interbyu kaniya sa Straight to the Point Morning Edition subay sa migula nga mga reaksyon sa social media nga dili matud pa ihatag ang maong bayad.

Sumala ni Bello nga ang paghatag sa 13th month pay usa ka labor standard.


“According to P.D. No. 851, dapat bayaran ang 13th Month Pay sa mga mamumuo o empleyado on or before December 25 kay mao nay balaod. Sa implementing rules sa balaod naay exemption katong mga kumpanya nga distressed exempted sa pagbayad sa 13th Month Pay,” saysay ni Bello.

Dugang sa DOLE secretary nga sa adlaw’ng Martes (October 13) makigtagbo sila sa managlahing organisasyon sa mamumuo ug employers aron mahisgutan kung unsa ang konkretong depinisyon sa “in distress company” ayha magpagula og advisory.

“Sa Martes inimbita namin ang mga organisasyon ng mga mamumuo at organisasyon ng mga employers at pag-usapan naming kung ano ang ibig sabihin ng distress (company), pagkatapos gagawa na kami ng advisory,” matud ni Bello.

Sa pikas bahin, gikalipay usab ni Bello ang migulang resulta sa SWS survey nga mikunhod sa 36% ang employment rate sa Pilipinas gikan sa 45% sa ilabay’ng tulo ka bulan.

Samtang sa pinakaulahing natala sa DOLE Job Displacement Monitoring, dunay 3.5 million ka tawo sa tibuok Pilipinas ang na-displace sa trabaho diin 1.5 million niini ang temporarily displaced workers kansang i-rehire sa mga employers human ang unom ka bulan.

RadyoMaN Jason Amisola

Facebook Comments