BF nga ginluiban, ginsugid sa ginikanan ni GF nga nagsulod sa motel si girl upod ang ex-BF

BACOLOD CITY – Ginsulong sang ginikanan ang isa ka motel diri sa ciudad sang Bacolod kaina sang aga matapos ginsugiran nga ang ila bata nga babayi nga isa pa lang ka estudyante ang yara sa sulod kag may upod nga isa ka lalaki.

Pasado las 10 sini gid lamang nga aga, nabulabog ang amo nga motel sang nagpamilit ang ginikanan nga buksan ang isa ka room kon diin ginapatihan nga didto naka check-in ang ila bata.

Naga-gwa sa imbestigasyon nga ang amo nga babayi nga estudyante sang isa ka kolehiyo diri sa Bacolod ang nag-upod sa iya ex-boyfriend nga nagsulod sa motel ( naka uniform pa ) apang lipud sa iya ihibalo nga nasundan gali sila sang iya “current” boyfriend.


Suno kay “current” boyfriend nga kalmado siya nga naghulat sa gwa sang motel apang sang indi na niya mapunggan, gintawgan niya ang ginikanan sang iya nobya kag ginsugid nga yara sa sulod ang ila bata upod ang iban nga lalaki.

Bangud sini, dali-dali nga nagsulong sa motel ang ginikanan sang babayi, ginpilit ang management nga buksan kag sang gin-abrihan ang room, didto kag ila nakita ang ila bata kag ang lalaki.

Depensa sang ex-boyfriend nga wala niya ginpilit ang amo nga estudyante nga mag-upod sa iya sa motel kundi boluntaryo ini nga nag-upod sa iya.

May mga impormasyon nga nagapahayag nga sang ara na sa sulod, mismo ang ex-boyfriend ang nagtawag sa current boyfriend kag nagpabalo nga magkaupod sila sang iya girlfriend sa sulod sang motel.

Sa gwa sang motel, natabo pa gid ang komosyon matapos nagsumbaganay si ex-bf kag ang current boyfriend sang amo nga babayi.

Wala na nagpablotter ang ginikanan matapos nahibaluan nga hungod nag-upod ang ila bata kag nag-settle na lamang ang mga ini sa barangay./dyHB BACOLOD

Facebook Comments