BFAR- Capiz, liwat nga nagpahanumdom sa mga mangingisda angut sa close season sa pagpangdakop sang isda nga mackerel, herrings kag sardines fish!

65

Roxas City, Capiz- Epektibo na ang tatlo ka bulan nga close season sa pagdakop sang pila ka sahe sang isda sa kadagatan nga sakop sang Visayas Sea.
Ginpahayag ni Fishery Officer Edwin Javier sang BFAR-Capiz nga sa subong padayon ang ila monitoring sa mga kadagatan sa bulig sang Philippine Coastguard, Philippine Navy, PNP Maritime kag Bantay Dagat kontra sa mga mangingisda nga nagapanakop sang mga species sang isda nga mackerel, herrings kag sardines fish.
Partikular sini nga gintumod amo ang pagbawal sa pagkuha sang mga isda nga tamban, tuloy, tabagak, bulaw kag hasa-hasa halin sa period nga Nobyembre 15 tubtob Pebrero 15, 2021.
Samtang, ginpahayag dugang ni Javier nga nag-extend sang isa pa gid ka bulan ang LGU sang Ivisan gani nga magalawig tubtob sa Marso 15, 2021 ang close season ukon fishing ban sa nasambit nga klase sang mga isda.

Facebook Comments