BFP, adunay pahimangno sa publiko karong nagsingabot ang pasko

85

Nagpahimangno ang Bureau of Fire Protection (BFP) ngadto sa mga namaligya ug mamalitay og Christmas lights karong nagsingabot ang kapaskuhan.

Sa interview sa RMN Malaybalay ngadto kang Fire Inspector Paul Ronolo sa Malaybalay City Fire Station gibutyag niini nga bawal gihapon ang mga firecrackers ug kung dili malikayan, adunay designated area para dinhi.


Kinahanglan usab nga bantayan ug likayan ang octopus connection ilabina nga adunay mga series lights nga gamiton.

Nagpahinumdom usab kini nga e-unplug ang mga appliances ilabina ug kung biyaan ang panimalay.

Gipahimangnoan niini ang katawhan nga magbinantayon sa pagpamalit ug christmas light ug siguraduhon nga adunay sticker nga markado sa DTI tungod kay nagpasabot kini nga gisusi na kini ug luwas nga gamiton.

Matud niya nga kinahanglan nga adunay PS ug ICC mark ang mga paliton nga mga Christmas lights tungod kay mao lamang kini ang nagsubay sa standard.




Tambag pa niini sa publiko nga likayan ang mga baligya ilabina kung dili masabtan ang instruction o direction sa paggamit niini nga nag-giya sa mga konsumante unsaon sa paggamit.

Sa pagkakaron, nagpadayon ang ilang pagsusi sa mga christmas light sa mga merkado ug mga malls nga namaligya niini kon nakasubay ba sila sa giya sa DTI.

Facebook Comments