BFP Dipolog, adunay pahimangno sa publiko karong nagsingabot ang pasko

Dipolog City – Nagpahimangno ang Bureau of Fire Protection (BFP) Dipolog ngadto sa mga namaligya ug mamalitay og Christmas lights karong nagsingabot ang kapaskuhan.

Si City Fire Marshal C/Insp. Elias L. Baguio III nibutyag sa rmn news team nga gipahimangnoan niini ang tanang katawhan nga magbinantayon sa pagpamalit ug christmas light ug siguraduhon nga adunay sticker nga markado sa DTI tungod kay nagpasabot kini nga gisusi na kini ug luwas nga gamiton.

Sumala pa ni Baguio nga kinahanglan nga adunay PS ug ICC mark ang mga paliton nga mga Christmas lights tungod kay mao lamang kini ang nagsubay sa standard.


Tambag pa dili pasobrahan ug saksak ang electrical outlet or Extension Cord, Dili manigarilyo or magbutang ug kandila duol sa Christmas tree ug kon mamahimo dili mag-gamit ug pabuto ingon man kinahanglan magandam ug mag amping ta kanunay para sa luwas na pagsaulog sa pasko ug bag-ong tuig.

Facebook Comments