Nanawagan ngadto sa katawhan sa Cagayan de Oro ang kadagkoan sa Bureau of Fire Protection kon BFP nga likayan ang pagpasagad aron nga malikayan ang insidente sa sunog.
Matud ni City fire Marshall Allan Cabot sa Central Fire District nga likayan nga mapasagdan nga nakapansak sa mga outlet ang mga appliances kay kini ang sagad nga hinungdan sa sunog.
Samtang, ning panahon sa holiday season, nanawagan usab kini nga likayan ang pagpabuto sa tagsa-tagsa ka panimalay, mas maayo og didto magpabuto sa community fireworks nga himuon.
Dugang pa nga likayan ang pagpalupad sa sky lantern kay lakip kini sa mga hinungdan sa sunog ilabina panahon sa pagtabo sa bag-ong tuig.
Facebook Comments
