BFP: Palitong Christmas lights kinahanglang adunay ICC stickers

20

Davao City – Karon nga nagsugod na ang mga buwan sa ber hayan halinan na usab ang mga christmas decoration sama sa Christmas lights nga muhatag og kayahag sa kapaskohan sa matag pamilyang Pilipino.

Busa ang Bureau Fire Protection Davao City Chapter nagsugod na usab og pagula sa pipila ka mga tips alang sa luwas nga pagsaulog sa kapaskohan ug bag-ong tuig uban ang tibuok pamilya.

Si BFP Davao City Fire Investigator Senior Fire Officer 2 Ramil Gillado nagpahimangno sa publiko nga mupalit og Christmas lights nga nakapasar sa standard sa DTI.

Dali ra matud pa mailhan ang Christmas lights nga miagi sa pagsusi sa DTI kay aduna kini nakapilit nga ICC ug TF sticker.

Segun ni Gillado, ang tanang Christmas lights nga dunay ICC nagpasabot nga luwas gamiton sa mga kabalayan apan ang substandard piligro gamiton sa katawhan.

Dili sab pwede pasigaon ang Christmas lights nga 24/7 hilabi na mahinanok og katulog sa kagabhion kay dunay purohan nga dili mabantayan ang pag-short circuit resulta sa sunog.

RadyoMaN Joel Viray

Facebook Comments